Storia 4 - Ejercizies
Ej. 6 Gilgamesh
Lec la storia de Gilgamesh che n scriba ne à lascià scrit su na tuleta de creida e scrif la resposta dreta anter cheles che te vegn proponet
.jpg)
| “Gilgamesh l’era l re de la zità de Uruk. L’era fi de na dea e de n re mortèl. Ence el l’era mortèl, ma de chest no l se cruzièa ajache l’era joen e gaert. L se passèa l temp a se la goder e coscita l lascèa endò si doeres de re. Embendapò la jent ge à domanà aiut a la divinitèdes, che les ge à manà a Gilgamesh n rival, Enkidu, fort e coragious desche el. I à scombatù ma sia forzes les era valives e nesciugn di doi era bon de aer la soramessa. Endèna chel lonch duel i doi à scomenzà a aer amirazion e simpatìa un per l’auter, i à fat pèsc e i é doventé peconc. Ensema i à passà n muie de aventures, ma na dì Enkidu l’é mort per voler de la divinitèdes. Gilgamesh, destrametù per la mort de l’amich e cruzià per esser ence el n mortèl, l se à pissà de jir a chierir la pianta de l’imortalità. Dò aer tant chierì l’é stat bon de la troèr ma, apontin endèna so viac de retorn, l se à fermà apede n laguscel per se pussèr e n serpent ge à robà la pianta. Gilgamesh desperà l’é jit a Uruk. Aló, dò vèlch temp, l’à cognosciù na tousa e l se à maridà. L’era dassen na femena valenta, sèvia e jentila, che l’à consolà per aer perdù l’imortalità. Dò chisc fac Gilgamesh l’é doventà n gran re.” |
| De che zità erel pa Gilgamesh? |
| Chi erel pa Enkidu? |
| Co erel pa Enkidu? |
| Che sort de sentimenc él pa nasciù anter i doi rivai? |
| Che reazion èl pa abù Gilgamesh dò la mort de Enkidu? |
| Perché él pa jit a chierir zeche pianta Gilgamesh? |
| Dò aer perdù la pianta de l’imortalità, chi él pa stat a consolèr Gilgamesh? |
| Co éla pa ruèda enscin a nos la contìa de Gilgamesh? |
| Chesta contìa contela fac sozedui delbon? |