Oujes
Canche siane vin Padon
Download
a.
P: Eco mama l registrator che te é prometù, che don Pedrotti l’é stat tant valent da m’imprestèr.
M: Ma l’era ben ora, che l’é trei setemènes che te me l’ès prometù.
P: Ben dapò ades cónteme zeche da canche ti eres jona.
M: Ma che veste che te conte?
P: Cónteme chela, canche ti eres vin Padon, chi doi signores todesc, tu e tia mère…
M: Ah scì, po ben dapò siane gé e mia mère che fajaane fen vin..., sun Padon, e dapò na dì indèna che se fajaane da marena on sentù na sclindernèda de bòces o de zeche, gé no sé, che vardon via su, ju per l pra de Crust vegnìa ju doi signores a routoles! E i é rué jù jun anter zeche sasc e i non era più bogn de se mever. Mia mère la disc: «Madre santiscima! Ic i s’à copà ch’i no se mef». E la é sutèda via coi ciavei fora dret a veder e, e gé son jita via dò, e la i à rencurè sù e, che i no era bogn de se mever e, e la i à metui senté e i era duchenc in piaes e in sgrafèdes e in sanch, che la segnora l’èa i jeneies duc da piaes, e da sanch.
Canche l’é stat che la i à abui rencuré e metui senté che i era bogn de se rejer instesc l sign[or], chest veie l’à tout cà la cana e l volea ge dèr de la cana a mia mère. Nos autres sion sciampèdes e sion vegnudes sù e on marenà e dò sion jites a restelèr, e canche l’é stat dintorn les trei o les cater i jìa ite per i Pians de Padon, pampian zomponan, e i s’à trat ite e ju, e i é rué ja Giòchele de Simon. E in chela sera i ge à dat da dormir, e indoman l’à ciapà e l’à jont l musciat e l li à mené enscin jun… ja Cenacei, jun piaz de Cenacei, dapò ló ge no sé chi che l’é doventà. Esser l’é stat na comedia, che l’era duc che grignèa.
b.
P: N’èste un’autra mama da me in contèr de Padon?
M: Po scì, chela del giat podesse te contèr, perché jiane a seèr via Fedaa, se porteane via la gialines e on portà via ence l giat e, e canche l’é stat lavìa l’à fat cater pìcui giac e, e dapò on seà e on fenì de restelèr e sion sin jic col fen e se on ben tout dut, ma l giat se l’on desmentià. Canche l’é stat via trei setemènes l giat é ruà a cèsa con cater pìcoi giac! No sé coche l’à fat a passèr trei ruves con chisc pìicui giac. L’é ruà e ge dijaane Belicio, chel che l’on chiamà Belicio l’on cognosciù, se no, no l cognosciaane più.
P: Perché l’à responù, el?
M: L’à responù!
P: E che ruves èl pa passà?
M: I ruves, l’à passà l Ruf de Tunao, l’auter ruf l’é caìte ta Pede Via neva, e l’auter ruf de Penìa. Ma chel de Penìa era pa gran! dapò bon noe...
P: Eco mama l registrator che te é prometù, che don Pedrotti l’é stat tant valent da m’imprestèr.
M: Ma l’era ben ora, che l’é trei setemènes che te me l’ès prometù.
P: Ben dapò ades cónteme zeche da canche ti eres jona.
M: Ma che veste che te conte?
P: Cónteme chela, canche ti eres vin Padon, chi doi signores todesc, tu e tia mère…
M: Ah scì, po ben dapò siane gé e mia mère che fajaane fen vin..., sun Padon, e dapò na dì indèna che se fajaane da marena on sentù na sclindernèda de bòces o de zeche, gé no sé, che vardon via su, ju per l pra de Crust vegnìa ju doi signores a routoles! E i é rué jù jun anter zeche sasc e i non era più bogn de se mever. Mia mère la disc: «Madre santiscima! Ic i s’à copà ch’i no se mef». E la é sutèda via coi ciavei fora dret a veder e, e gé son jita via dò, e la i à rencurè sù e, che i no era bogn de se mever e, e la i à metui senté e i era duchenc in piaes e in sgrafèdes e in sanch, che la segnora l’èa i jeneies duc da piaes, e da sanch.
Canche l’é stat che la i à abui rencuré e metui senté che i era bogn de se rejer instesc l sign[or], chest veie l’à tout cà la cana e l volea ge dèr de la cana a mia mère. Nos autres sion sciampèdes e sion vegnudes sù e on marenà e dò sion jites a restelèr, e canche l’é stat dintorn les trei o les cater i jìa ite per i Pians de Padon, pampian zomponan, e i s’à trat ite e ju, e i é rué ja Giòchele de Simon. E in chela sera i ge à dat da dormir, e indoman l’à ciapà e l’à jont l musciat e l li à mené enscin jun… ja Cenacei, jun piaz de Cenacei, dapò ló ge no sé chi che l’é doventà. Esser l’é stat na comedia, che l’era duc che grignèa.
b.
P: N’èste un’autra mama da me in contèr de Padon?
M: Po scì, chela del giat podesse te contèr, perché jiane a seèr via Fedaa, se porteane via la gialines e on portà via ence l giat e, e canche l’é stat lavìa l’à fat cater pìcui giac e, e dapò on seà e on fenì de restelèr e sion sin jic col fen e se on ben tout dut, ma l giat se l’on desmentià. Canche l’é stat via trei setemènes l giat é ruà a cèsa con cater pìcoi giac! No sé coche l’à fat a passèr trei ruves con chisc pìicui giac. L’é ruà e ge dijaane Belicio, chel che l’on chiamà Belicio l’on cognosciù, se no, no l cognosciaane più.
P: Perché l’à responù, el?
M: L’à responù!
P: E che ruves èl pa passà?
M: I ruves, l’à passà l Ruf de Tunao, l’auter ruf l’é caìte ta Pede Via neva, e l’auter ruf de Penìa. Ma chel de Penìa era pa gran! dapò bon noe...