P: Ades mama contemene chela de la Mata dei gatti.
M: Scì, ah, chela te la voi contèr. Canche siane vin Padon, gé e chela pera mia mère, via per mesa la setemèna, ge é ruà un uré, dapò la non èa smauz. Po siere na beza jona, la m’à manà cà a cèsa a tor smauz. Dapò gé son vegnuda cà a cèsa a tor chest smauz, e canche son stata per min jir via de retorn, che son stata te Ciantrujan me n’é imbatù te la Mata dei gati. Dapò son jita ite con chesta, e su e su per Via neva, e indèna che jiane su per Via neva la me contèa che i tosac che l’à abù la i à duc jun ruf, ju per Via neva. E gé, i me fajea n pecià chisc peres piciui, che la i à trac ló ju... Dapò sion jites su e su, e canche sion ruèdes sun Col de Ciampié sion jites ite te Val de Ciampié, la m’à conta che canche la era mascèra al Formìa, i scioldi che la vadagnèa la i à duc sepolii te na majiera. Po’ gé é domanà olache la é sta majiera. Dapò la me n’à moscià does, la me n’à moscià. Dapò gé son jita sù con chest smauz sun Padon e, e dapò canche l’é stat la sàbeda, no me vedee l’ora che vegnissa la sabeda a poder jir via a veder de chisc scioldi de la Mata dei gati te sta majiera. E canche l’é stat la sàbeda, é preà mia mère che la me lasce min vegnir in ca più bonora. E canche l’é stat dal mesdì la m’à lascià jir e gé apenamai é podù vegnir son vegnuda ju e ju, e son ruèda jun Aer, e ju e ju ja la Paussa, e dapò son jita jù e son ruèda ju jun Ciampié apede la majieres. E dapò gé dal gusto che aee de sta majieres e da la gran volontà de ciapèr chisc scioldi é scomenzà a grazèr co la mans te sta majieres fin a tanto che canche é pissà vardèr aee i deic duc in piaa.
E dapò son min vignuda in ca e, vaan, tras ca dal mèl che me fajea, e dapò son ruèda a cèsa e l’era la Pilona, che la stajea inlèngia nos, la m’à leà sù chisc deic e, e dapò zacan l’é vegnù da sera, e anter dì e net passèa la jent da Fredarola ju, da mont. E gé cò é vedù che i vegn da mont gé me é partì e, e son min jita ite incontra. Po’ son jita ite, e ite, e son ruèda te Udaer, e son ruèda te Ciantrujan, e infati son jita scin ta Pede Via neva. E l’era scur. E ta Pede Via neva non é sentù nesciugn e non é vedù nesciugn e, e son data fora outa, perché gé son jita ite per una strèda e mia mère é vegnuda per l’autra, e no se on scontrà. E canche son stata fora, l’era na scurità! fora e fora, e son ruèda forin Udaer, e son ruèda fora chi majarei aló da la Ciuciaa é scontrà chela pera mia mère co la lanterna, che la vegnìa a me chierir.
«Ma» la disc, «olà este» la disc, «che te vès stroz coscita!» la disc. «Ma gé son a chela bel de te strangolèr!» la disc. Imben, e dapò la m’à ciapà per na man e la m’à menà fora e la é stata l’istescio contenta, la no m’à più dit nia...

P: Ades mama contemene chela de la Mata dei gatti.
M: Scì, ah, chela te la voi contèr. Canche siane vin Padon, gé e chela pera mia mère, via per mesa la setemèna, ge é ruà un uré, dapò la non èa smauz. Po siere na beza jona, la m’à manà cà a cèsa a tor smauz. Dapò gé son vegnuda cà a cèsa a tor chest smauz, e canche son stata per min jir via de retorn, che son stata te Ciantrujan me n’é imbatù te la Mata dei gati. Dapò son jita ite con chesta, e su e su per Via neva, e indèna che jiane su per Via neva la me contèa che i tosac che l’à abù la i à duc jun ruf, ju per Via neva. E gé, i me fajea n pecià chisc peres piciui, che la i à trac ló ju... Dapò sion jites su e su, e canche sion ruèdes sun Col de Ciampié sion jites ite te Val de Ciampié, la m’à conta che canche la era mascèra al Formìa, i scioldi che la vadagnèa la i à duc sepolii te na majiera. Po’ gé é domanà olache la é sta majiera. Dapò la me n’à moscià does, la me n’à moscià. Dapò gé son jita sù con chest smauz sun Padon e, e dapò canche l’é stat la sàbeda, no me vedee l’ora che vegnissa la sabeda a poder jir via a veder de chisc scioldi de la Mata dei gati te sta majiera. E canche l’é stat la sàbeda, é preà mia mère che la me lasce min vegnir in ca più bonora. E canche l’é stat dal mesdì la m’à lascià jir e gé apenamai é podù vegnir son vegnuda ju e ju, e son ruèda jun Aer, e ju e ju ja la Paussa, e dapò son jita jù e son ruèda ju jun Ciampié apede la majieres. E dapò gé dal gusto che aee de sta majieres e da la gran volontà de ciapèr chisc scioldi é scomenzà a grazèr co la mans te sta majieres fin a tanto che canche é pissà vardèr aee i deic duc in piaa.
E dapò son min vignuda in ca e, vaan, tras ca dal mèl che me fajea, e dapò son ruèda a cèsa e l’era la Pilona, che la stajea inlèngia nos, la m’à leà sù chisc deic e, e dapò zacan l’é vegnù da sera, e anter dì e net passèa la jent da Fredarola ju, da mont. E gé cò é vedù che i vegn da mont gé me é partì e, e son min jita ite incontra. Po’ son jita ite, e ite, e son ruèda te Udaer, e son ruèda te Ciantrujan, e infati son jita scin ta Pede Via neva. E l’era scur. E ta Pede Via neva non é sentù nesciugn e non é vedù nesciugn e, e son data fora outa, perché gé son jita ite per una strèda e mia mère é vegnuda per l’autra, e no se on scontrà. E canche son stata fora, l’era na scurità! fora e fora, e son ruèda forin Udaer, e son ruèda fora chi majarei aló da la Ciuciaa é scontrà chela pera mia mère co la lanterna, che la vegnìa a me chierir.
«Ma» la disc, «olà este» la disc, «che te vès stroz coscita!» la disc. «Ma gé son a chela bel de te strangolèr!» la disc. Imben, e dapò la m’à ciapà per na man e la m’à menà fora e la é stata l’istescio contenta, la no m’à più dit nia...