Ma, aldidanché l’é ben dut più sorì, i fasc manco fadìe, dut machine, dut i fasc più prest, i laora de manco... però, na vé... L’era n tòch più bel na uta. Chela che dijea che l’era meio canche se i stajea peso, i à bele rejon! Dut chest inquinamento, e ence a vederli lurar te la campagna, a veder con chele machine... Taear con la falciatrice, l l’aea ence Carleto, va ben, manco fadìe... Però dò i va con na machina, e i slargia i cianevai, i va a utar, con machine con ciodi coscita, i graza sù l teren: l’é n polver, a veder olache i laora tei pré, a mi me fasc pascion. Noi aon chisc doi pré, n pra gran cajù, vejin a stala, cò i vegn a sear gio sere le grile! Ma sere le grile! Ma me fasc pascion, propio! Na... Dapò i disc: “No vegn nia!”. Ma crese ben! Straciade via fin la reisc de le piante! Fiores no n’é più te nesc pré, olache i va co le machine... L’é dut na ciadena de robe sbaliade, en confront chisc egn! L’é, po scì, l’é moderno, senó no i sea, e lascion che i fae coscì, che vesto far? Ma però, no l’é ne respet de la natura, ne,  ne... ma nia, sasto? Propio...  A se empensar... Gio na uta siere cassù, Carleto seava a man e gio slargiave i cianevai. Passa chisc siores sun strada e i se à fermà a vardar. E dapò da zeche ora: “Ma signora, ma cosa fa lei?” – “Ma, gio, slarge l’erba!” – “Ma sa che sembra che faccia una danza!”  Se jìa, n cianeval, na forcia, tu vegne en cà con che l’auter, via e ca, Carleto che l seava... “Ma sa, mi sembra di vedere una danza!”... Ah, va a veder la danza aldidanché! Na... Dut de corsa, tant l’istà che invern! O l’invern peso che d’istà. Ma olà corone? Olà corone, me domane gio a man a man! Se va de corsa vin cimitero! Aló i ne speta, aló se fermon. [A] Soraga sion begn i manco moderni, ma l’é amò l paìsc che i va più bolintiera! Perché l’é amò mìngol sche che l’era na uta. Zeche... Gio spere che i no roìne sù dut. Intervistatore: Fabio Chiocchetti Testimone: Rita Rossi del Baila Località: Soraga Data: 20.12.2012