1.
Pinza pinzona, varda e sona
chi che speteane l'é ruà!
L'é vegnù dal Lont con so flaut jentil
sorice e musciac a far sparir.
De Fascia e Moena valgugn ge à contà
de chi che à desfat e de chi che à spergozà
«Musciac dal peton e da le scoadìe,
tegnive bon fest che ades ve ciastìe!»
Pinza pinzona, jent no ve cruzià
che chel che speteane l'é ruà.
2.
Pinza pinzona, varda ence tu
chi che speteane l'é vegnù!
Anter le ciase, anter la jent
va stroz sorice da parar demez.
L'é tenc che spazilgia tant l'aria che l mar
e autres desmentia, fasc mena de pensar
entant la natura va semper più endò
d'istà l rebalton l'é ruà ence chigiò!
Pinza pinzona, jent no vardà en sù
che chel che speteane l'é vegnù!
3.
Pinza pinzona, l fasc prest a capir
che con n grum de jent l'à da se n jir:
ciapa sù so flaut e so strace e l torna endò
ntra prè e boace a sonar amò
ciapa sù so flaut e so strace e l torna endò
ntra prè e boace a sonar amò.
Pinza pinzona, varda e sona,
varda e sona, sona e no lasciar...
Pinza pinzona, varda e sona,
varda e sona, e varda de tornar...
Pinza pinzona, varda e sona,
varda e sona, sona e no lasciar...
Pinza pinzona, varda e sona,
varda e sona, e varda de tornar...
Mediateca
Ladina
