Oh bela luna che tant te vardèe
canche ti eres bela e lumenousa,
tant de spes che me augurèe
de esser sot tie ragi con na bela tousa.

Ge aee besen de to lumenous
canche na serenèda fajee col mandolin,
canche mi cher batea furious
o canche no vedee l mi cantin.

Duc te vèrda, e tu t’ispires
moroji, poétes e scrivegn,
e semper contenta te ge grignes,
tant a rusci che a americhegn.

Ben, per sta robes ades
nesciugn te vèrda più,
i se peissa invece spes
de poder vegnir lassù.

I te vèrda, i te studia e i pissarà
se mai te fosses abitèda,
i rusci i se desćiargiassa la radioatività
e i americhegn proassa na bombardèda.

E l'Etèlia? E nos taliegn?
Ma, se pisson: «Sarà ma vera e?
Che se per duc ti vulchegn
no te paarès amò la stévera?»

E per chest no sarà un american
l prum che ruarà sù,
ma l parlarà napoletan,
che no te l capirès pa nience tu.

E canche l desmontarà dal reator
co na tascia, dut serio e ben vestì,
peissete che chel sarà segur n ejator,
e tu de grignèr te arès fenì.

Oh bela luna che tant te vardèe
canche ti eres bela e lumenousa,
tant de spes che me augurèe
de esser sot tie ragi con na bela tousa.

Ge aee besen de to lumenous
canche na serenèda fajee col mandolin,
canche mi cher batea furious
o canche no vedee l mi cantin.

Duc te vèrda, e tu t’ispires
moroji, poétes e scrivegn,
e semper contenta te ge grignes,
tant a rusci che a americhegn.

Ben, per sta robes ades
nesciugn te vèrda più,
i se peissa invece spes
de poder vegnir lassù.

I te vèrda, i te studia e i pissarà
se mai te fosses abitèda,
i rusci i se desćiargiassa la radioatività
e i americhegn proassa na bombardèda.

E l'Etèlia? E nos taliegn?
Ma, se pisson: «Sarà ma vera e?
Che se per duc ti vulchegn
no te paarès amò la stévera?»

E per chest no sarà un american
l prum che ruarà sù,
ma l parlarà napoletan,
che no te l capirès pa nience tu.

E canche l desmontarà dal reator
co na tascia, dut serio e ben vestì,
peissete che chel sarà segur n ejator,
e tu de grignèr te arès fenì.