Simon de Giulio da Penìa l ve lejarà jù ades na pìcola poejìa ades metuda insema da el instes che la se intitola ‘Al Bambin Gejù’.

Un an de pien jené
te na cèsa son ruà
de jent rica, scioldi a sté
e un bez soul ma mèl usà.

Te stua l’era ló sul fon
un muge de èrc da fèr damat,
un aeroplano, un gran camion,
na ferata e un bel musciat.

De bie archi, na pistola,
un arlechin tant bel vestì,
na gran popa con guant de viola,
na trombeta e un pé de schi.

«Chi che l’é stat che te à portà
chisc bie èrc? Dilo a mi».
«Bambin Gejù chiò l’é passà
che l’é apena chinesc dì».

Te n’autra cèsa l dì dò
per zeche afari son ruà,
père e mère era ló
con cinch bec e povertà.

Chisc pìcui bec i ven in cà
Con de sbiaca un pìcol cian:
«Gejù Bambin n’é l’à portà
e un dì per on, zenza bacan.

No sion stac propio valenc
che ence na reta l ne à portà
ma lo stescio sion contenc
e ge volon ben a nosc papà.

A chest bez chiò de sora
un muge de èrc l ge à portà,
l ne fèsc gola, l ne grigna fora
ma che l sie più valent nesciugn l sà.»

I à scomenzà dapò a jièr
con so cian bel inlacà.
E a chisc bec g’é amò cognù vardèr
lumenousa na lègrema ge era ciutà.

Che pian ju per chela palida massèla
lasciando l sen la vegnìa jù per mez...
«Ma oh vita,» é dit «no ti es ne giusta ne bela
da fin timpruma con vèlch pìcol bez!

Bambin Gejù, gé chest l spere,
de veder amò fin che son vif
che l pìcol bez, del rich o del pere,
ciape ti doni duc l valif».

Simon de Giulio da Penìa l ve lejarà jù ades na pìcola poejìa ades metuda insema da el instes che la se intitola ‘Al Bambin Gejù’.

Un an de pien jené
te na cèsa son ruà
de jent rica, scioldi a sté
e un bez soul ma mèl usà.

Te stua l’era ló sul fon
un muge de èrc da fèr damat,
un aeroplano, un gran camion,
na ferata e un bel musciat.

De bie archi, na pistola,
un arlechin tant bel vestì,
na gran popa con guant de viola,
na trombeta e un pé de schi.

«Chi che l’é stat che te à portà
chisc bie èrc? Dilo a mi».
«Bambin Gejù chiò l’é passà
che l’é apena chinesc dì».

Te n’autra cèsa l dì dò
per zeche afari son ruà,
père e mère era ló
con cinch bec e povertà.

Chisc pìcui bec i ven in cà
Con de sbiaca un pìcol cian:
«Gejù Bambin n’é l’à portà
e un dì per on, zenza bacan.

No sion stac propio valenc
che ence na reta l ne à portà
ma lo stescio sion contenc
e ge volon ben a nosc papà.

A chest bez chiò de sora
un muge de èrc l ge à portà,
l ne fèsc gola, l ne grigna fora
ma che l sie più valent nesciugn l sà.»

I à scomenzà dapò a jièr
con so cian bel inlacà.
E a chisc bec g’é amò cognù vardèr
lumenousa na lègrema ge era ciutà.

Che pian ju per chela palida massèla
lasciando l sen la vegnìa jù per mez...
«Ma oh vita,» é dit «no ti es ne giusta ne bela
da fin timpruma con vèlch pìcol bez!

Bambin Gejù, gé chest l spere,
de veder amò fin che son vif
che l pìcol bez, del rich o del pere,
ciape ti doni duc l valif».