1.
Le dàrmole le cianta
sui sasc del salejà
le dàrmole ferade
da n faure artejan
l'é na peamenta sana
le dàrmole d'ista
ge vel che le sie grane
d'invern se tu es giacià.
Te scola nosc maester
cognea n sèghit cridar
par tegnir cec chi morchies
l'aea so bel da far.
El fon sot it' chi benc
l'era jà ducant zarà
i piesc de chi fenc
i fajea zapolà.
2.
Gio veide amò chi bujes
che é far da servidor
coi spic de chele dàrmole
aló japede utar
ma l veie nosc Piovan
l'era ben content assà
del piciol servidor
bel ros e mez giacià.
Nesciugn più se recorda
de dàrmole ferade
de fam e de giaciade
duchenc se à desmentià.
Nesciugn più se recorda
duchenc se à desmentià
le dàrmole ferade
sui sasc del salejà.
3.
***
E siane contenc de nia
de n raf, de na contìa,
e siane contenc de nia
de na contìa, de n raf.
Nesciugn più se recorda
duchenc à desmentià
le dàrmole ferade
sui sasc del salejà
le dàrmole ferade
sui sasc del salejà.