Don Massimiliano Mazzel l nasc a Cianacei ai 17 de dezember del 1900. De 11 egn l va a studièr a Trent al Ginasie Imperial olache l resta enscin al scomenz de la Gran Vera, canche l vegn manà a Capo d’Istria coi Kaiserjäger. Del 1919 l scomenza endò a studièr te Ginasie e te Seminarie e del 1924 l doventa preve. Don Mazzel l’é anter i prumes a se enteressèr de la mendranza ladina: ai 17 de mèrz del 1946 l benedesc la senta de l'Union de Maran e te chesta ocajion l’engaissa i ladins a la defendura culturèla e linguistica de si grop etnich; ai 4 de oril del medemo an dò sia spenta vegn metù a jir la pruma trasmiscion radio per ladin e del 1946 vegn metù sù l'Union di Ladins de Fascia. Don Mazzel se dèsc jù n muie per la cultura ladina e del 1967 l publichea, co la colaborazion del professor Heilmann de l'Università de Bologna, n prum "liber de paroles". L program de l'Union te chi egn (don Mazzel l vegn nominà president del 1963) se ouc soraldut a la realisazion e a la stampa de n dizionèr ladin fascian; l’é i medemi egn olache l'Union de Ladins domana con determinazion che vegne ensegnà l ladin te scola; del 1968-69 don Mazzel prejenta la neva edizion del "liber de paroles" smaorèda debel. I fascegn revendichea con forza i medemi deric di ladins de Gherdena e Badia e dal daìte de l'Union di Ladins scomenza a ciapèr lèrga ence l'aspet politich. Ampò l president don Mazzel no vel tor na posizion politica e ai 10 de mèrz del 1973 l met en pe l'Union Culturèla con n program biot culturèl. Del 1976 l nef Istitut Cultural Ladin prejenta na edizion a stampa del "liber de paroles". Don Massimiliano Mazzel mor ai 9 de messèl del 1977.

Don Massimiliano Mazzel nasce a Canazei il 17 dicembre 1900.  A 11 anni va a studiare a Trento al Ginnasio Imperiale dove rimane fino allo scoppio della Prima Guerra Mondiale, quando viene arruolato a Capo d'Istria con i Kaiserjäger. Nel 1919 ritorna a frequentare il Ginnasio e il Seminario e nel 1924 viene consacrato prete. Don Mazzel è tra i primi ad interessarsi della minoranza ladina: il 17 marzo 1946 benedice la sede dell'Union di Merano e in questa occasione incita i ladini alla difesa culturale e linguistica del loro gruppo etnico; il 4 aprile di quell'anno grazie al suo interessamento viene messa in onda la prima trasmissione radio in ladino e nel 1946 viene fondata l'Union di Ladins de Fascia. Don Mazzel si impegna profondamente per la cultura ladina e nel 1967

dà alla stampa, con la collaborazione del professor Heilmann dell'Università di Bologna, un primo "libro di parole". Il programma dell'Union in quegli anni (don Mazzel viene eletto presidente nel 1963 ) si rivolge soprattutto alla realizzazione e alla stampa di un dizionario ladino fassano; sono gli stessi anni in cui l'Union di Ladins chiede con determinazione l'introduzione del ladino nella scuola; nel 1968-69 don Mazzel presenta la nuova edizione del "libro di parole" notevolmente ampliata. I fassani rivendicano con forza gli stessi diritti dei ladini delle valli di Gardena e Badia e all'interno dell'Union di Ladins comincia a farsi strada anche l'aspetto politico. Il presidente don Mazzel non vuole esporsi e il 10 marzo 1973 fonda l'Union Culturèla con un programma esclusivamente culturale. Nel 1976 il neo costituito Istituto Culturale Ladino presenta un’edizione a stampa del "libro di parole". Don Massimiliano Mazzel muore il 9 luglio 1977.