Ermanno Pescol (Ermano Badia) l nasc del 1904 a Poza. Sia familia, de cèsa a Poza da desvaliva generazions, la vegn cà da la Val Badia. Ermanno Pescol l se marida con Paolina Gross de Śoan de Poza e l’à trei fies. 

L’empèra l mestier de eletrizist jun Busan e sia pascion per chest lurier l lo porta a brevetèr n model particolèr de alternador per l’eletrich che serf per desgiacèr i tubi de l’èga de cèses e alberghes. L laora timpruma desche machinist de la turbines de desvalives hotìe de Fascia, desche l Grand Hotel Carezza e l’Hotel Dolomiti de Cianacei, e più tèrt desche “guardiafili” per l Consorzie eletrich de Fascia.

Gran pascionà de storia ladina, Ermanno Pescol l’é ence n ezelent contastorie. W. Theodor Elwert te sia opera Die Mundart des Fassa-Tals l se emprevèl de sia colaborazion per tor sù testimonianzes a ousc per brach. L colaborea ence co l'Istitut Cultural Ladin tant per informazions etnografiches che per documents de natura populèra.

L mor a Poza ai 21 de jugn del 1987.

Ermanno Pescol (Ermano Badia) nasce nel 1904 a Pozza di Fassa. La sua famiglia, insediatasi in Val di Fassa da molte generazioni, è originaria della Val Badia. Ermanno Pescol si sposa con Paolina Gross de Śoan di Pozza e ha tre figli. 

Apprende il mestiere di elettricista a Bolzano e la sua passione per questo lavoro lo porta a brevettare un particolare tipo di alternatore della corrente elettrica grazie al quale riesce a sgelare le condotte di case e alberghi. Lavora inizialmente come macchinista delle turbine di vari hotel della Val di Fassa, come il Grand Hotel Carezza e l’Hotel Dolomiti di Canazei, e in seguito come guardiafili per il Consorzio elettrico Val di Fassa. 

Appassionato di storia ladina, Ermanno Pescol è anche un eccellente contastorie. W. Theodor Elwert nella sua opera Die Mundart des Fassa-Tals si avvale della sua collaborazione per raccogliere testimonianze orali in fassano brach. Collabora anche con l’Istituto Culturale Ladino sia per informazioni etnografiche sia per documenti di natura popolare. 

Muore a Pozza il 21 giugno 1987.