Rita Rossi del Baila la nasc a Soraga ai 8 de aost del 1926. Si père l’é Piero Rossi del Baila e sia mère Margherita Brunel de Pierin. L’é la seconda de set frèdes e l’unica fia. Del 1940 mor l pare e l lascia na stua de bec da soi demò co la mère, e coscita l’é Rita che amò beza cogn didèr sia mère a ge stèr dò ai frèdes e coi lurieres te ciamp e te pra. Familia de bachegn e en muie religiousa, chi del Baila i ge dèsc a la gejia trei fies e un, Carletto, l fèsc l monech vin Sèn Piere.

Duc chisc aspec é emportanc per entener l sentir e la vita de Rita del Baila che apede a na fona religiosità e n gran amor per sia tera, l’à ence n fon amor per si lengaz.

La passa duta sia vita tel mèsc da Roìsc, dessema a sie fra Carleto, a arlevèr bestiam e tegnir ciamp e pra, ma la troa semper l temp ence per se dèr jù per so marelenga. Per egn l’é una de la fegures de referiment del moviment ladin, mascimamenter en cont de lengaz e cultura da zacan. Jà dai prumes egn ’60 la é tel Consei de l’Union di Ladins de Fascia, apede don Massimiliano Mazzel, e jà enlouta la met jù rimes e scric per fascian che manaman vegn publicà ence su “La Veisc” e te vèlch numer de “Mondo Ladino”. La colaborea ence co la Rai de Busan e la met jù tesć de trasmiscions de la radio ladina.

Rita del Baila la mor ai 8 de mèrz del 2015.

Rita Rossi più conosciuta come “Rita del Baila” nasce a Soraga l’8 agosto 1926. Il padre è Piero Rossi del Baila e la madre Margherita Brunel de Pierin. È la seconda di sette fratelli e l’unica figlia. 

Nel 1940 il padre muore e lascia i figli orfani soli con la madre, e così è Rita che ancora bambina deve aiutare la madre e badare ai fratelli e nei lavori nei campi e in campagna. Quella di Rita è una famiglia di contadini e molto religiosa tant’è che ben tre figli abbracciano la carriera ecclesiastica e uno, Carletto, si occupa della chiesa parrocchiale come sacrista.

Tutti questi aspetti sono importanti per capire l’animo e la vita di Rita del Baila che oltre a una profonda religiosità e un grande amore per la sua terra, ha anche a cuore la sua lingua ladina.

Trascorre tutta la sua vita nel maso della frazione di Roìsc, assieme al fratello Carletto, lavorando nei campi e in campagna, tuttavia trova anche il tempo per dedicarsi alla sua madrelingua. Per anni è una delle figure di riferimento del movimento ladino, in modo particolare per quanto  riguarda la lingua e la cultura di un tempo. Già dai primi anni ’60  fa parte del Consiglio dell’Union di Ladins de Fascia, assieme a don Massimiliano Mazzel, e già allora compone rime e testi in ladino che vengono pubblicati su “La Veisc” e in alcuni di “Mondo Ladino”. Collabora anche con la Rai di Bolzano e scrive testi per le trasmissioni per la radio ladina.

Rita Rossi del Baila muore l’8 marzo 2015.