Elisabetta Salvador, più cognosciuda desche “Lis dal Vera”, la nasc ai 10 de oril del 1911, ta Penìa. La cognosc sobit l dejèje portà te Fascia da la Gran Vera, canche duta la jent da Penìa cogn demez e troèr alberch a zeche vida fora Ciampedel e fora per Fiem. 

De 22 egn mor so père e la resta soula te cèsa co la veia mère a parèr inant duc i lurieres da bacan. La resta sal Vera ence dò che la se marida con Tita de Gostin (Dantone Battista). I vegn a aer set fies, ma Lis la seghita a lurèr “desche n om”, ajache Tita l’é da spes a la foresta, a lurèr da pitor. E coscita la va inant a fèr ence canche, un a l’outa, i fies e la fies se marida e i se n va. No la resta ampò soula: na fia, Assunta, la resta colassù ence dò se aer maridà e coscita la ge stèsc apede. Lis la mor ai 8 de firé del 1995. 

“Lis dal Vera” l’é ence la protagonista de bie filmac su la cultura e su la vita da bacan touc sù al scomenz di egn ’80 per endrez de la RAI de Trent e de l’Istitut Cultural Ladin: te anter chisc recordon “Penia: biografia di un paese alpino” e soraldut “Le stagioni di Lis”, de Renato Morelli e Cesare Poppi, na documentazion etnografica de gran valuta che amò anchecondì fornesc l Museo Ladin de Fascia.

Elisabetta Salvador, più conosciuta come “Lis dal Vera”, nasce a Penia di Canazei il 10 aprile 1911. Sperimenta ben presto il disagio portato dalla Prima Guerra Mondiale in Val di Fassa, quando tutta la popolazione di Penia deve allontanarsi e trovare rifugio come può a Campitello e in Val di Fiemme.

All’età di 22 anni le muore il padre e rimane sola a casa con l’anziana madre a portare avanti i lavori di casa, nei campi e nella stalla. Resta a vivere nella piccola frazione di Vera anche dopo essersi sposata con Dantone Battista (Tita de Gostin). Hanno sette figli, ma Lis continua a faticare “come un uomo”, giacché Battista è spesso lontano, a lavorare come pittore decoratore. E così fa ancora quando, uno alla volta, i figli si sposano e vanno via di casa. Non rimane però sola: una figlia, Assunta, rimane lassù anche dopo essersi sposata, restandole così accanto. Lis muore l’8 febbraio 1995.

 “Lis dal Vera” è anche la protagonista dei bei filmati sulla cultura e sulla vita e sul mestiere di contadino e agricoltore prodotti all’inizio degli anni ’80 per iniziativa della RAI di Trento e dell’Istituto Culturale Ladino: fra questi ricordiamo “Penia: biografia di un paese alpino” e soprattutto “Le stagioni di Lis” di Renato Morelli e Cesare Poppi, una documentazione molto importante che tutt’oggi si può vedere visitando il Museo Ladino di Fassa.